محكية

كورال الختام

النزوح؛ من أعمال التشكيلي الليبي رضوان أبوشويشة: أكر يليك على ورق مقمش، 100×70
النزوح؛ من أعمال التشكيلي الليبي رضوان أبوشويشة: أكر يليك على ورق مقمش، 100×70

عريان بديتك ياخطوة جيت بلا ترحيب

لا مرقد مفروش

لا قصر ولا حوش

وكان البحر وحوش !!

حطيتك يا شمس في فكي ورسمت مشاوير

وقلتلهم بنعيش لا حرير ولاريش

سموني الدرويش !!

غلطة وحده تكلف عمرك يا تايه ياغريب

دنيا هات وهات

عاشوا الباشوات

ويموت الحوّات !!

طرف حديد يجيب ويرفع

سُوم يصارع سُوم

يا عالم يا كبير

ما نحساب تصير

في لحظة (قصدير) !!

ومشيتك يا أول خطوة لآخر مشوار

وفي بير النسيان

ترتاح الأحزان

وينام الإنسان !!

مقالات ذات علاقة

رثاء درنة

مصطفى الطرابلسي

مستعجل

سالم العالم

محكية مازلت حي

المشرف العام

اترك تعليق