كوني سويري
ثقيل ع المخده راسها في حاله
تقول لا ضنت لا عندها رجاله
متلوحه مسكينه
واولادها كل حد في تركينه
ولا من يقول الحق يرفع عينه
هربوا عليها خايفين اقباله
كل حد يغرد في خلا هوينه
وكل حد يجري في قفا تمباله
ووه يابنادم كان خالف دينه
وبالكذب تكثر دوته واقواله
نحوي علي شعبي حياته شينه
وعابي علي الصياع والعواله
والوطن مارستش بيه سفينه
كسره عقيله وكمله تكاله ٠
بدت رايمه لوساده
وعاود مرضها جض كيف العاده
هي راقده والشعب طال رقاده
حاير ايفكر في مقات اعياله
طالق علينا كل حد جراده
لخضر كلوه ويبسوا ى بنتاله
وبترولنا يبرم إلا عداده
فلوسه مشوا للهفك والعواله
وفي قعر بيره حادفين رشاده
الحق ماخذوه الوطن غير انذاله…
