(1)
بياعين طواسي الشاهي
باعوا الشاهي والطاسات.
راح عليهم وقت باهي
كملت عيشتهم شوكات.
داروا سبلة راني لاهي
اف تجرة شاهي ع الطولات.
واقف داير روحه ساهي
أيبصكل… اف مشيات اوو جيات.
(2)
ما ملي امسيب تعليمه
ما هو فالح من الاساس.
شوره مرفود ولزينه
من مدرسته وتوا حاس.
واجد مذهوبين الشيره
يحسابوا ايلاقوا الماس.
حشمت خبزة هالفارينه
فيهم هاللي هزايا ع الناس.
فضلوا راكبين القابينة
طاح سعدهم واخره فات.
(3)
خربه اوخربها الخرابة
معروفين علا منبتهم.
عيشين اتقول عيشة غابة
مغتصبين اثمار نبتهم.
نعتتهم راهم خنابة
ريت دبشهم ريت بتتهم.
حطابة اف جرت حطابة
التعبانين وزاد تعبهم.
كله من الساسة القلابة
فوق كراسي الوطن اتبات.
(4)
راك اديرة ليا قدوة
ويتهبع فيه الاطفال.
نلقوهم من ساعة غدوة
فراشين بضيق الحال.
اتقول ركبتهم حالة عدوة
فشاكين بلا سروال.
باعوا الوطن اف يوم السدوة
وين المركب بيهم مال.
خوذ كلامي خوذ الجدوى
ياشينك راحو، ريحات.
6/4/2022
