عبدالرسول محمد
خذني يا جناحي
لي اسنين متضايق بياحي
طير بعيد
خذني من دياري
لي اسنين متضايق مداري
له مطلاق جنحان الحبارى
خذني وين ما ايحاحي المحاحي
خذني من الجلاوي
لي اسنين في هرج ودواوي
اتهينع وين ما عوج اللغاوي
حطني ياك يداون اجراحي
خذني من النزالي
خذن وين ما تمد الظلالي
نين انكب ماو شايل اشوالي
بالك فيه ينطلقن اسراحي
خذني يا جناح
لي اسنين ضايق بي البياح
منين التمر لقّح بالارياح
حطني ياك يسّرح نواحي
خذني من هناه
ضاقت بي من كل اتجاه
خذني وين ما اطيور القطاه
فيه ما عمر تذهب ع المداحي
خذني من العياط
وخذني وين ما اتخش البساط
لي زمان منه نلتحاط
لذع ركاب علّم في اصفاحي
خذني بالخيال
خذني وين ما تذوب الاظلال
برد الليل يسري في الرمال
بالك خير من مصفق ارياحي
خذني للسكات
وين الليل ما خيم وبات
نصغي الحس رطن الامسيات
عندي خير من هوس براحي
خذني في هشاش
خذني وين ما الريح اتناش
بالك في ينزع هالوحاش
ريغن نين من دبوا امراحي
خذني في حطية
وين الريم ما نقز اجديه
نا م الغدر رايم الوحدية
ولي اسنين متوشح اسلاحي
خذني في افجوج
وين الريم وأم ارقاب عوج
نين اتحق بالعين الهروج
اطوي الأرض كي طي الصفاحي ….
خذني في جنش
راه الفال من الحالة دهش
مية شي ماهو للفتش
منهن نين متشين صباحي
خذني شور جيها
له عامات قلبي مشتهيها
نقرا جهر وين انصيد فيها
كل ما الدهر ناقش في الواحي
شلني غير شلني
يالجناح من همي انشلني
الفارق بين سري وبين علني
بين صار يا قلة ارباحي
