الشاعر: الشاعر إسماعيل الورفلي
خللك معاي حنون
تكسب غلاي أو تربح المليون
من غير اسئله
تكسب حبي
واللي تطلبه يبقي حداك ملبي
وانجيك بالتاكيد كي ما تبي
من غير قسوة يا عزيز تمون
انت علتي وانت شفاي اوطبي
واحلي زهور مفتحه في الكون
وانت اللي موجود داخل قلبي
ما نبدلك لا ندير دونك دون
عزيز او حبيب يشهد ربي
ولك حب صادق ما معاه ضنون
هويثك هويتك يا عزيز او نبي
حمامات بيضه او غصن م الزيتون
تكسب راحه
او زهوها عيون القلب وانشراحه
ويبرن اوجاعه او علته واجراحه
او تبقي سعيد في دنيتك مضمون
قسوه لسانك قاطعه دباحه
وقسوهافعالك نسخ من شارون
ولك صوت هتلريدقل بصياحه
زعيم المدابح كلها في الكون
ولك جائزه نوبل بكل صراحه
تخصص اعدام القلب بي العيون
ولك تم بن لادن او كل سلاحه
ببسمات طايع في الغلا مطعون
ولك بوش تمم مندعرفي الساحه
وبلير طايع لأمرتك مفتون
ربي خلقلك يا عزيز سماحه
او كل يوم زايدلك جمال او لون
تكسب ماسي
او بالحب ما تبخل او خود انفاسي
اولااتسيبنياولا تكون ليا ناسي
بهدلتني ركبت فيا العون
بعد مابنيته لي غلايه ساسي
او رتبت وضعي في الحياه بسكون
سهرتني شيبت ليا راسي
شقيثني حركتلي الكانون
دوبتني عدمت ليه احساسي
سبحان الخالق فيك زوز عيون
ايخلن العاقل للجنون مواسي
كما قيس ليلي بحبها مجنون
راسي تكسراه يا بسباسي
دير خبرتك راني كما المسكون
للعطف والحنان والحب نبي انساسي
محروم يلزمني نهر اعيون
وياريتني من العشق نشرب كاسي
وكل شي في الدنيا معاك يهون
خلك معاي حنون
تكسب غلاي او تربح المليون
من غير اسئلة
