قصيدة بدون أحرف منقوطة
د. سعد العمروني
ما سلّموا سلّم اولاد املاح
عطو مالهم والدم والارواح
عطوا ما الله عطاهم
مدّوا ارمام وعلا لعمد مسداهم
حرّك حاركه أدهم صهل مسّاهم
وأصدار دارهم ع العلو صار امراح
أكرام سارعو طار العمل سمّاهم
أملاح وملاحمهم كرم وأكساح
الاملاح لو رسم رسّام لك سّواهم
سهول ومطر والورد رسم الواح
أول ملامحهم الله هداهم
عطوا واطعموا للهلا المداح
ممسوك سوهم ما امسكوا ما وراهم
حكوا ما حكوا مسك وكلام ركاح
واهل الهموم سمعوا داوّو داهم
لا مر لا صامط عسلهم ساح
كما الكرم مكرمهم حسود رماهم
رموه الحصى حلو المصص طواح
لهم ود والله الودود حماهم
ارمام ودّ مدّوا ومالهم لوّاح
ما الله ورسوله راد هو مسعاهم
عدل وعمار وسهّلوا السماح
صدورهم روامس سر لو سهراهم
لا لهم وكس لا مكر صار صلاح
حلّوا دارهم والعهد حلّوا ما هم
وسط الصدور العهد له مطراح
طعامهم وحمل حمول هو ملهاهم
للهالك وللعادم وللسواح
عطوه الحرم هم الاهل ملك معاهم
الصاع والرحا والدلو والمسراح
مع اولاد والدهم رحل محلاهم
الوساد والكسا والوكل والمرواح
ودّع دارهم دوّم مع مطراهم
دموعه اعوام وهو الها مساح
للمسلم سلام ولو عدو عاداهم
الروح والولد والمال صار سلاح
سعد كل حالم لو الحالم راهم
صورهم مع الاحلام سوه راح
آدم وحوا اصلهم ساوهم
وماهو سوا عار العمل والصاح
صحّ العمل الاملاح لك علاهم
سود العمل طاحوا عملهم طاح
سود العمل مالك ومال هواهم
هواهم هوا حداد صهد أرماح
ورّم لحمهم والحرام عماهم
سكارى مع المكروه دوم صواح
حرص وطمع لو هم معاك وراهم
معاك مال مال معاك لك ردّاح
عاموا الحسد السو هو مرساهم
كمل دهرهم هم وكدر والحاح
أمهل وما أهمل لهم مولاهم
عطوا ماعطوا عطهم الا المحماح
