تراث

العيب شين

الشاعر الشعبي اشريف حسن السعيطي (الصورة: عن حساب عبدالرازق كركره)
الشاعر الشعبي اشريف حسن السعيطي (الصورة: عن حساب عبدالرازق كركره)

قصيدة (العيب شين)، للشاعر المرحوم اشريف حسن السعيطي سنة 1948

العيب شين ويخلف أوجاع ولوعه ..
والعقل وين يداعى صعيب قدوعه

العيب شين موش طبيعه ..
والصاحب اللي تشريه ليش اتبيعه
وراه العيب ما قرت عليه شريعه ..
ولا صرحوه بتذكره مطبوعه
والمريض ما يشكي الا بوجيعه ..
الروح فيه لاحيه ولا منزوعه
طول المرض خلف امعاه تبيعه ..
والحكيم حط السم بين اضلوعه

العيب شين معله ..
والعذر ما با يحيد الغله
واللي ما يجي لنداك ما تامنله ..
مربى معاه ريحه وحل اضلوعه
العيب شين موش ادباره ..
اللي يهون الصاحب وتبرد ناره
كيف من سرق ف الليل خيشة جاره ..
وبايع مساديها لناس انطوعه
ومسكوه من قبلن يفوت نهاره ..
معاه رمة المقدم اللي مقطوعه
عند المقادم تلزمه الصغاره ..
وبالشرع راه بالازم حلال ابيوعه


العيب شين موشي نايب ..
ولاعليه يزابوا شيوخ درايب
ولا يوجعك عيب السفيه الخايب ..
اللي يهز فاسد طايرات اضلوعه
راه العيب ما يوجع الا متايب ..
اللي شيخ عدل شهادته مدفوعه
وودك كلام الحي يبقى رايض ..
وراه كل كاذب بركته منزوعه

العيب شين مايتعبر ..
والقزاز ماعمره كسر وجبر
وقطعة نصيب الحي ما تدبر ..
ومن عادة الجافي اشوي ادموعه
والمشي ع الخواف ما يتعبر ..
وبو عقل ما ينزل على الطبوعه
والقتل راه واعر والقتيل امصبر ..
وراه العين ماترقد وهي ميجوعه

العيب شين من حبانك ..
اللي هم مساديك وهم ديوانك
ارقدان كان ميل عليك زمانك ..
اللي قاسمه تاتي وهي منزوعه
ودير الحرم والقدر في جيرانك ..
وهلب الي منهم اتجي مبدوعه
يذمك ان جا مرجوج طلق السانك ..
ورا الزاطله تقدع وهي مبيوعه
هزل الحجايج يهد من سيسانك ..
والكوت مايرجع الا بصروعه

العيب مصيبه..
يخلف مواجع واجدات وغيبه
والصاحب اللي تعرف نداك ايجيبه ..
تقسم عليه عشاك ليله جوعه
وحبيبك تشيله شيل وتزازيبه ..
وتشوف خاطره والطيبه مزروعه
ومن جفاك ماو لازم عليك تسيبه ..
اتبيعه بسياته النفس قنوعه

العيب شين ويخلف أوجاع ولوعه ..
والعقل وين يداعى صعيب قدوعه

مقالات ذات علاقة

عناوي علم

المشرف العام

سبع عجاف

بدرية الأشهب

دنيا

المشرف العام

اترك تعليق