تراث

احني زرْعنا باعوه قبل اطيابه

من أعمال التشكيلية شفاء سالم

احني زرعنا باعوه قبل اطيابه
قبضوا الثمن وخلوا الوطن خــرابه


باعوه نابـــــــت فــــــــــي امّه
اللي قـبل كنا نشاركوا فـي لمّه
اليوم غيرنا يدرس، لاهي في ضمّه
ذرّوه، جـــــــاهـم صـــــــــابه


نسفـــوه، بعــــــد تهـــريـــسه
داروا فـــــي البلاد اتفركيسه
اليــوم وطني غايبين تــريسه
شعبنا ذلـــوه، باعوا اتــــرابه


ملعب الجولف، امجاور امعيتيقه
العم سام فرحــــان بعــد تضييقه
خمسين عام امكشر علـــى انيابه
خطّــــــر عليه زمان شائط ريقه
طـردوه مــــــــن لبلاد قفلوا بابه
متشمت داير فــــي البلاد حريقه
يراقب، على الخيرات سال لعابه
فكوا من الشعب، خبزته وأبريقه
والشط تـــوا، ايصكـروه طـريقه
و”اسبان” صارت للعــدو ركّابه

مقالات ذات علاقة

نراجى فيك

المشرف العام

بياعين

حسن أبوقباعة المجبري

الغنّاوة المقاوِمة

أحمد يوسف عقيلة

اترك تعليق