انتحسس في كفوفي
بالكم نلقالكم
جرة سلام قديم
وانتلمس وسط جوفي
بالكي الصورة السمحة
قاعدة وسط الرديم
وقت ما كنا جميع
وقت لاقينا الربيع
وقت ما كنا انتوهم في القمر
كوره جديدة سابحة في الغيم
***
انتحسس في مسارب
في وطا يدي اللي
ماي ناسية لا توا
كيف كان حر سلامتكم
تسكت معاه الدوه
وكيف كان يزدان الهواء
وتصفى ملامح نوه
وانتلمس في دهاليز الفضاء
في خاطري من جوى
ما فيه غير جروح
لا حيل لي ولا قوة
جرح من قسو الحياه
وجرح من كثر الأساء
وجرح لا ابري ولا انتسى
وجرح ابتسم من سوه
وهاهو مكان ميعادنا
نار الغلا ماي خابيه
وظل النخل دوار
مازال هوا. هوا
والشوق واخذ غاينه
والصبر فاتح كوة
وهاوين غناوة علم
إنقالت لكم
(مشيتوا بشوق العين
الله والنبي ما اتطولوا)
وهاوين غناوة اخرى
إنقالت خفاء
(ما من اللي في العقل
مردومه وكأني سرها)
من وقت ما كنا سواء
وقت الصباء
كنا اناغي في القمر
وهي بعيدة..
سابحه في الغيم
انتحسس في اكفوفي
بالكي…..
