الثلاثاء, 11 فبراير 2025
محكية

بنـــغازي

بنغازي عزوز موشمه ايديها

من كفها تطلع الشمس

في كفها  الثاني إطيح

مابينهن تعزل الشمس

أيـامنـا  وأحلامنـا

مابينهن تسكن  الريح

بنغازي عزور لابسة  ” رقعة “

بيها إحتمى ليل الشتا وصقعـة

 خيوط رقعتها أزقتنا وحوارينا

خيوط رقعتها

شراييـن الحيـاة فينـا

صوت  خطوتها ونـس

من غير ما نحكي تحس

من غير مانحتاج للتلميح

بنغازي عزوز لابسة ” جربي “

صوف جردها مغزول من قلبي

في جردها يخفي الزمان حكايته

ومن جردها يولد التاريخ

من جردها يفوح  البخور

غير عشقها محظـور

لوصفقت لحظة طرب

تنزع ثياب الليل وتفجر النور

لو صفقت  لحظـة غضـب

شمس الضحا ماادور

لو يوم قالت آه

من كثر التعب

كل القلـوب تصيـح

من كفها تطلع الشمس

في كفها الثاني  اطيح

مابينهن .. تغزل الشمس أيامنا وأحلامنا

ومابينهن تسجد الريح

مقالات ذات علاقة

درويش تحت الريح

الصيد الرقيعي

مـلاهي الاغْـتِرابْ

بدرية الأشهب

أبْصَرْ كيف ..

محمد الدنقلي

اترك تعليق