الذكرى الـ26 لرحيل الشاعر الشعبي الليبي عبدالحميد الشاعري
عبدالحميد الشاعري
وين الزها يا عين يا مسكينه
عدن أياما والحبيب إنسينه
وين احبابك
إللي صوبهم صّيف ربيع شبابك
دونك على الخاينين ردي بابك
وانسي غلا واجد وراه اشقينا
انسي اهمومك
وعيشي وحيده هانيه في نومك
وان تذرفي نا ع البكا مالومك
إللا الغلا في الجافيين غبينه
عيب اتنوحي
وأنتي قبل صباره قليل اتبوحي
ماتوجعك إن ناوضنّي أجروحي
جرح الغلا الدامي اطوال أسنينه
خلك منا
أولا تجبدك شوره عليه محنه
إن طال الجفا وألْصوبهم غوننا
ننسوا ابسياته غلا غالينا
يا ماريته
أوياما غمز في ساعة التبهيته
واطيت راسي وين ماحقيته
إتقول ماغلا في القلب بيني وبينا
1959
