كرم الشبطي – فلسطين
حكم الطلطميس
ما بتعرف فيه الغفير من الوزير
كله بصرح كله بقول كله بوكل فول
بتسمع فيهم صوت غريب بتفكر الحرب
قامت عند العرب بقرار الثأر لبعض
شي بفرح بيسر القلب وبيسعد الروح
بنصدق عاطفتنا مثل لحن وعودة صدق
باغتني كل تصريح من الشرق للغرب
قلت القصة بدها تسبيح لصحن الحمص
يمكن يتغير المزاج وترتفع الرايات
وتنتصب قامات الوطن مع صاج الفلافل
فاحت رائحة المكان البعيد والقريب
ما تقول غير نووي عربي ثقيل ومركز
بضرب في كل اتجاه شمال يمين الوسط
غابة السيقان وفرسها الهارب حيران
زوبعة فنجان قهوة سادة كرمال الهضم
نعصر ذهنا ونفكر ونتأمل هو مين هذا
شو بكون للعراق لليمن للبنان وليبيا
لسوريا ومصر والمغرب والخليج سواء
ما بين أقطاب الفرجين رحنا بالرجلين
مشروع المشروعين تعداد أدوات الرقص
هزي يا نواعم الترك قبلي فيلق القدس
سرعان ما نغضب ونتوعد والنهاية عادة
يسمونها في البلدي الفص لتاريخ القهر
عملية تفريغ برمجة لأمعاء الجوع الفقر
تخيل أنت أصحاب الكرش ماذا يصدر منهم
شكلك اسمعت ومثل ما اتخيلت وافرط ضحك
سلسلة غريبة وحلقات مفقودة من ترس صدأ
الغائب الحاضر لطعم النفس للديماغوجية
وصار بدها السلطة مع حبة بندورة وخيارة
ويا حبذا لو أخدوا الجزرة وتركوا العصا
قطيع التعود الخائف من عقولنا المهربة
لم يترك لنا غير جبن وصمت وحرق مستهلك
يستنزف كل شيء جميل داخلنا وطربنا سراب
منذ الضياع لعروسة الأرض والكون لفلسطين
حسب نبض الحق وليس حسب التدريس من البعض
وعليك بتغذية الكل كي تصل لمحتوى التحرر
ولا تكتفي فقط بتربية الترهل للجسد المنسي
