أشرف ميلاد
نراجى فيك فاقد للامل
سنين طوال طيفك ما رحل
وعند الباب نراجى فى زويلك
قالولى من مدة ارتحل
وصبري ضاع من بعده حنينك
وقلبي مازال جرحه ما اندمل
ولو عديت اريافي لعيونك
تلقي القدر أكبر مالجبل
فيه أوقات نفرح بيه طيفك
وفيه أوقات يجرفني الزعل
فى مرفاك تغيم ما نشوفك
نغرق شبر لو شطك ضحل
ليا سنين تجرفني أمواجك
سبه عيون ماليها الخجل
اغرق فيك لو غابت انوارك
ونغرق ليل لو نجمك افل
