الذكرى الأولى لإعصار دانيال وفيضان وادي درنة في سبتمبر 2023
اتقول امس صارت
فاجعتها درنه
غصة كبيييييرة ساكنه خاطرنا
مالها شي عام
اتقول صايره هالوقت قبل ايام
مازالن شواهدها ابكا ليتام
ومازالن مقابرهم اللى حفرنا
ويجونا خيال وحلم فى لأحلام
اللى غيابهم فعلا صحيح قهرنا
دنيال كارثة بالفعل مش كلام
ولا كيفها من قبل شاف نظرنا
حيشان رينا على الوطاه عرام
وعيلات راحت فقدهم كاسرنا
..
اتقول امس صارت
فاجعتها درنه
غصة كبيييييرة كاسره خاطرنا
..
مانسينها
ليلة اللى درنة السيل خذاها
مازال فى وذنى صريخ انساها
ماتمتحى مالبال مهما درنا
غصة كبيييييرة مالقيت دواها
سبحانه عليها غير كيف صبرنا
لا عام لا عامين دوم عزاها
درنة اللى فيها اعزاز اخسرنا
اللهم اغفر وارحم من قضوا نحبهم جراء الفيضانات والسيول الكارثية التي اجتاحت درنة ومناطق ومدن الجبل الأخضر نحسبهم شهداء عند الله وعوض صبر أسرهم كل خير ياااارب
