طيوب عربية

ألووووو غزة

كرم الشبطي – فلسطين

من أعمال التشكيلية .. كنان الربيعي

 
ألووووو غزة
نعم مين معي
معك الوطن
حاضر أنا
شو بتريد
حابب أستفسر
عن مصير الشعب
ماله عايش منيح
 
بجد وشو عم بسمع
فقر وعذابات وقهر
ضريبة ولازم تندفع
لهيك بتدفعوا الناس
وبتغرموهم كيف بدكم
 
طبعا بدنا نعيش
احنا الحكومة هنا
وما حد يقدر يحكي معنا
 
طيب شو بالنسبة إلي
 
مالك شو تاعبك أنت
 
انسيتوا خلاص أني محتل
ولازم أتحرر من الظلم
 
هينا بندعي وبنجهز
واصبر  مائة عام
وشعارنا كما هو
ما يتغير كرمالك
كل يوم بنصرخ في الاعلام
مقاومة وتحدي وتحرير
وهيك الناس بتصدقنا
ويمكن تنهبل من جديد
وتنتخبنا وتفرح فينا
ما انت عارف شعبك طيب
وما بفكر ولا بحاسب
مسكين شو اتحمل ظلمنا
سنوات بنضحك عليه وبصدق
وكمان طوعنا كل الفصائل
وخليناها تتحدث باسمنا
وهي مش عارفة أنها الغبية
وأنها ضيعت البوصلة معنا
وكلام في سرك علي قولة الصحفية
ميسون كحيل نجمة دنيا الوطن
 
بندفع الهم وبنمرر ليصمتوا
ولا ما كان صبروا مثل شعبهم
علي سنوات الإنقلاب إلي طورناه
وأسميناه بعد ذلك انقسام
وهينا بنتحالف مع الشيطان
يكون شو ما يكون والمهم حكمنا
هيك بدها الاخوان في الخارج
واحنا بنطبق ما يقال علينا
ممنوع نناقش ومحظور نتصالح
بلاش يزعلوا منا ويحرمونا
مبالغ ومليارات وحضور أقليمي
صرنا نجلس باسم الامة وباسم القيادة
وفتح والمنظمة ما انت عارف منهكين
وهيك فرصة شكلت قوتنا وأبقتنا وحدنا
نتصدر المشهد ونبايع كل من قدم النا
مساعدات ودولارات وسيارات ورفاهيات كبيرة
احنا ما بتنقطع عنا الكهرباء ولا الماء الحلوة
شو خصنا في الفقراء واحنا ندعم فقط الي معانا
شوفت كيف حركتنا صارت قوية والاعداء بتعمللنا مليون حساب
 
طيب انا وين من كل هذا اللف والدوران وشو بكون الكم
 
انت الكذبة الكبرى الي صدقها كثير ودفع ثمنها الأكثر
والكل بتغني فيك ومش لوحدنا وما تظلمنا يا وطن المحبة
وانت شو بالنسبة للوطن الأكبر والكل بعتبره شعار عروبة
فلسطين للكل واحنا ما بنقدر نحررها بيوم وليلة وكم كذبة
غير تستفزني وتخليني احكي الحقيقة ويا خوفي ما حد يسمعني
ويعرف اني شكلت اكبر خديعة لهذه الامة الاسلامية والعربية
ويكشفوا لعبة الصواريخ والأسلحة النارية الي بنلعب فيها
لتحريك القمة الي بنحلم نعيد فيها حلم الامبراطورية
ومش مصدق اسأل اردوغان وغيره وكل الانظمة المتواطئة مثلنا
بدك تسمع كمان يا وطن ولا بكفيك هيك اخبار سريعة وخفية
 
لا بطلت أسمع وبطلت اشوف ولا بدي منكم غير انكم تتركوا
وتخلوا شعبنا يرجع يحلم ويصدق ويصاحب ويصالح نفسه بنفسه
يمكن ربنا يغفر الكم ويسامحكم علي عملتوه فينا باسمي
وانا براء منكم ليوم الدين وليوم ما تعودوا لرشدكم وتتوحدوا
ويومها راح اكون اول من يقف معكم ويقاوم بصدق ويفكر ويتأمل
كيف ممكن نحرر الانسان والتراب من كل خداع ورايات طمست الحقيقة
باسم الانسان والوطن والكل براء من الخداع والكذب والظلم باستمرار

مقالات ذات علاقة

رواية “أدركها النّسيان” ملحمة الشّعوب والأوطان والمهمّشين والخراب

المشرف العام

في البرد الأول من تشرين! *

إشبيليا الجبوري (العراق)

الشاعرة لا تتزوج

المشرف العام

اترك تعليق