تراث

الله ايربحك خليك في المربوعة

من أعمال المصور الفوتوغرافي طه الجواشي

يوميات متقاعد
العزوز للشايب:
الله ايربحك خليك في المربوعه
بهذلتني انا عايشه في لوعه


اكثرْ زنينك
ماعاد شيء في الحوش مالي عينك
ناوي اتخرب اللي بينا وبينك
اوقيدك امندّي يصعب عليك اولوعه
الله ايربحك


فسفس اودير اصحاب
احكيلهم، كم من سنين عذاب
تحملتهن، ان كان ربك ناب
تسعد، عقاب العمر كون في طوعه
الله ايربحك


اكل “امسلفر” ما لذّ وطاب
برّادة امّيّة خوذلك قرطوعه
والتلفزة والراديو والكتاب
الكلام الزايد ينتسى موضوعه


رجلك انكسرت ابْرتْ ع لعْياب
أيدك شهر في رقبتك موجوعه
ان كان ما تهْفتْ ادّير صواب
نلقانّك تبّي كويْ على القبّوعه
الله ايربحك


الشايب عليه بنفتحوا الكتاب
الله والنبي ليه وقت زاد ابروعه
على جبهته نعلقوا الحجاب
من كثر صبري ندخل الموسوعه
الله ايربحك

مقالات ذات علاقة

اشقى ابروحك

ميلاد عمر المزوغي

خاطري نكتبني

المشرف العام

يا طير يا طيار

المشرف العام

اترك تعليق