طارق فرج العرفي
والله ما اينقص من اقداري حاجه
اغيابه الي ما له سبب عالعين
الجافي جفا نلقاه ما نحتاجه
ان غاب ينتسى من خاطري في الحين
ماهناك والي ايشيلني ابمزاجه
وايجيبني الدار النسو والتهوين
وما هناك حاجه تستحق أمراجا
بذات كان تمت من عرب مانين
نا ابعزتك يانفس دوم خواجه
ولي عزم قاسي ما نهار ايلين
وفيه حصن طبعي العز لابس تاجه
والي كيف طبعي اانريد نلقى وين؟؟
ماعد جفا لصحاب به انتفاجه
وما حد غايبلي ابشي ثمين
لاجل ادروبي ما الهن نعواجه
وان ما الزين درته ما اندير الشين
وبادي اطموحي في صعود ادراجه
ومانريد غيره خالقي معين
