تراث

دنيا

طارق العالم

The Post War Dreams 2020 Adnan Meatek 32 x 41 cm

فيه اللي قلبه في قلبه
وفيه اللي قلبه في قفاه
*
وفيه اللي فعله بالهلبة
وفيه اللي تهرهير نباه
*
وفيه اللي وقفاته صلبة
وفيه اللي مصلوب عطاه
*
وفيه اللي متسقم دربه
وفيه اللي زيق زاق خطاه
*
وفيه اللي يفخر به صُلبه
وفيه اللي عاره لضناه
*
وفيه اللي تتمنى قُربه
وفيه اللي الراحة في جفاه
*
وفيه اللي والعيشة كلبة
بدر منور كبد سماه

مقالات ذات علاقة

غناوة الرحى

المشرف العام

يا ليبيا هاذون!

ميلاد عمر المزوغي

الأمثال الشعبية ودورها في الثقافة التباوية

المشرف العام

اترك تعليق