تراث

البـيـت وثـاق

ملحمة الخلال

توفيق الغيزاف الدرسي

الشاعر توفيق الغيزاف الدرسي
الشاعر توفيق الغيزاف الدرسي

 
البيت وثاق
عدلة ارمامه والدفاء برواقه ..
ما اتريد تنفع قسمته بطقاقه
وسرد الحسايف فوق حيط نضايد ..
اترج المثابت كثرة الدقاقه
سطيرهن علي جازل البيت ايكايد ..
إيهقل البيت وتلحقه نفداقه
ويبقى مع ريح الخريف إيمايد ..
 
اخياط الرقيع وشكمة الفوهاقه
إيريدن إيدين امحسرات عضايد ..
وبرمة كبير ابسطرسه ولباقه
ايهندب وهو صاحب الراي السايد
لكن الدنيا جايرة فراقه
جابت اسنين اموسمات شدايد ..
ابقي رزق طير ابذارنا و ازراقه
وشاخو علي كوف الطمير لمايد ..
وجدت علينا فالعقاب صفاقه
وشهدن علي قطعة الروس جرايد
ابقينا انهابو شكعة البراقه
واحنا فالفراسة صاحبين عوايد ..
ملسوع العدامة عندنا ترياقه
كنا وكنا للجروح .. .. .ضمايد ..
امغير الطمع فينا خذا غنداقة
اعقول عامرة تمن امغير صمايد ..
ورايحين بين الدبك والبنداقة
علي حرب مافيها إلقاط حصايد ..
 
ماعندنا فيها .. جمل ﻻ ناقه
امغير نار واتخلف النار رمايد ..
يلهد عدونا في فرس محماقه
ونحنا علي فضلة اخيول قعايد ..
واليوم كل حد فينا طلق مزراقه
ابقينا بعد جار الزمان .. .طرايد ..
 
تنجير الخلال ورقع هلي بايد
خير من افواهق كل يوم بزايد ..

مقالات ذات علاقة

الغنّاوة المقاوِمة

أحمد يوسف عقيلة

«المرسكاوي».. موسيقى مرزق الساحرة

أسماء بن سعيد

عناوي علم

المشرف العام

اترك تعليق