طيوب عربية

اعزف يا ورد

كرم الشبطي – فلسطين

من أعمال التشكيلي مرعي التليسي

اعزف يا ورد
غني وقول
وين الحب
وين الحق
وين الأرض
وين يا وين
في عين الحزين
كلمة وصرخة
بس لمين
ولا لمين
خايف أقع بكمين
قلت أدندن
واعطيها تلطيش
من حروف الشين
بتسألني وين فلسطين
من حرية اليوم

وين الفكر
وين الادب
وين العشق
وين الناس
النايمين
ليش ما بصرخوا

وين البجم
إلي حاكمين سنين

طيب بلاش
ودلوني علي فكرة
ولا حتى طريق
يقلي تعال للعودة

بالأحضان يا وطني الكبير
وهي القدس منتظراك
ونادي علي صلاح الدين
في البلدي وفي التاريخ
يمكن يتحقق المراد
ونرقص ونحتفل بمزاج

ما هي ثورة
وبدها خمرة
وآه من سكرة
للحرف والإنحراف
ساسة وحفلة
وتياسة مدرسة

رجعتنا للحضانة
وقلنا نقدم رضعة

للعقل العربي
وللأمة الكبرى

بتصدقوا لما أكذب
والله ما حصلوا قمعة
بحب أدخن واتأمل
واقرأ واستمتع
بس ما بحب أعيش مغفل
حتى لو بقيت وحدي
بصارع في سرير المودة
ويمكن تتطور المسألة
ونضاجع بعض بكل راية ملونة
وهيك قسمة بدها مظبطة
والختم علي قفى المحكمة
متستر بلباس ومتعري من الخارج
بتسمعه بتفكره رسول المحبة
بطلع شيطان موسوس ومنظم
عزفه خطير وبخلط الموازين

هو مين هو فين هو مين بحكي أصلا

الملتحي ولا إلي حالق ومنعم بالشفرة
نعيما يا شعبي واتحمم وافرح
بعد ما تصلك الكهرب والمية
ومن غزة للضفة لكل شعوبنا العربية
من قبيلة لقبيلة بوسة
وحضن ومذهب ورفع طقية
وسمعني يا ابو عقال وكفية
يمكن نتحرر وندوزن الوتر
ونرجع نكتب بحرية
ونسلم على القضية
ونعانق كل روح وتضحية

لموا الكراسي وانتهت الهليلة
ما عاد فينا واحد يسأل علينا
يصدق ويقول للعالم فلسطيننا

سأختم وسأقول ام جبر وشاح وطن
ومن يعتدي على الوطن ليس منا
هي أم سمير القنطار وأم كل الشهداء
وأأم الأسرى وأم الجرحى وأم فلسطين الحق

وفي ذكرى أمي اليوم تفاجئت
بهذا الخبر المؤلم جدا لأي مناضل حق
أعادني لمشهد الخوف والقلق
الذي أخد مني أمي دون استئذان مبكر

مقالات ذات علاقة

البكاء يتكفل بكل شيء

المشرف العام

محظور في وطني المحتل

المشرف العام

الرسم في أدب الطفل…

حسين عبروس (الجزائر)

اترك تعليق