من أعمال الفنان محمد الشريف.
محكية

نِعْتَذِرْلَكْ ..

Mohammad_Esharif (5)

 

زعلانْ..؟ زعلان منِّي ..!؟ سامحني ..!؟
متأسِّف منَّك حبيبي .. مادَّلَكْ يدَّ اعتذاري ..
نِعْتَذِرْلَكْ ..
ألف مرَّة نِعْتَذِرْلَكْ ..
وأرجو يرضيك اعتذاري .. !؟
نِعْتَذِرْلَكْ .. نِعْتَذِرْلَكْ .. نِعْتَذِرْلَكْ ..
اِعتذاري يا صديقي .. ويا رفيقي ..
ويا حبيبي ..ويا قريبي..
ويا هوايا .. ويا دوايا ..
ويا أسَايا .. ويا طبيبي ..
اعتذاري يا اللِّي نشعر بيك فيّْ ..!!
يا اللِّي وين نقول اِسْمَكْ .. انحسِّني ننادي عَلَيّْ ..
ويا اللِّي وين نشوف رَسْمَكْ .. نشعر العالم أحليّْ..
ويا اللِّي يجرحني بعادَكْ .. يا اللِّي يذبحني عنادَكْ..
اعتذاري يا اللِّي ما يسوَاك شَيّْ ..
هاك منِّي كلّ شَيّْ .. واقبل أرجوك اعتذاري..
هذا قلبي .. وهذي روحي .. والمشاعر والقصايد..
وهذا نا .. كلِّي ندامة .. ودمعَة مِ الماقي السَّخِيّْ..
كلّ قطرةْ دمّ فيَّا .. وكلّ نبضَة تعيش فيّ..
ألف مرَّة تعتذرلَكْ .. وهذي روحي تأتمرلك ..
وهذي دمعة تختصرلك .. كلّ اللِّي صاعب عليّْ ..
من كلامي .. ومن عتابي .. واعتذاري ..
من عيوبي .. ومن ذنوبي .. واحتضاري..
كلّ مرَّة بأسف أكثرْ .. كلّ مرَّة بحجم أكبرْ..
كلّ مرَّة بحرف أقدرْ .. كلّ مرَّة بلفظ أعطر..
نِعْتَذِرْلَكْ .. نِعْتَذِرْلَكْ .. نِعْتَذِرْلَكْ ..
ــــــــــــــــــــــــــــــــــــــــــــــــــــــــــــــــــــــــ
خوذ صباحي .. وخوذ نهاري .. والليالي .. والدَّلالْ..
وكلّ ما تحضن أشعاري .. من مجاز .. ومن خيالْ ..
متأسِّف منَّك حبيبي .. مادَّلَكْ يدَّ اعتذاري ..
نِعْتَذِرْلَكْ ..
وأرجو يرضيك اعتذاري .. !؟
موش أنا اللَّي تشوف فيه .. هذا إنسان اعتذاري..
أَقْبَلَهْ .. واعتب عليه .. تردِّني .. يعني احتضاري..
آني جاي اليوم كلِّي .. بالمشاعر نِعْتَذِرْلَكْ ..
بالمدامع .. والقصايد .. والأغاني ..
بالورود وبالهدايا وبالأماني ..
جايَّك ندمان كلِّي .. وبأحاسيس التَّجلِّي ..
كلّ معنى تختصرلَكْ ..
بالمحبَّة تأتمرلَكْ ..
تعتذر عنِّي لحواسَكْ .. وتبوس أيدَكْ وراسَكْ ..
وتقدِّم عنِّي اعتذاري ..
اعتذاري يا صديقي .. اعتذاري ..
ألف مرَّةْ نِعْتَذِرْلَكْ .. نِعْتَذِرْلَكْ .. نِعْتَذِرْلَكْ ..
كلّ مرَّة بأسف أكثرْ .. كلّ مرَّة بحجم أكبرْ..
كلّ مرَّة بحرف أقدرْ .. كلّ مرَّة بلفظ أعطرْ..
نِعْتَذِرْلَكْ .. نِعْتَذِرْلَكْ .. نِعْتَذِرْلَكْ ..
نعتذر حتَّى بْصَمْتِي .. كان ما فاد الكلامْ ..
نعتذر حتى بْهَمْتِي .. بالعتابْ وبالمَلامْ ..
نِعْتَذِرْلَكْ ألف مرَّة في الدَّقيقة ..
أنا آسف .. خجلان منَّك حقيقة ..
هات راسك .. هات يَدَّك .. هات خدَّكْ..
هات .. هات ..
كلّ شي ينباس فيك ..
لمَّا نعجز عَ الحكاوي .. يكفي ما يقول الإحساسْ
ولَمَّا ما تفيد الغناوي .. تعتذر عنَّا الحواسْ…
أنت أكبر من حروفي .. ومن المعاني ومن كلامي ..
نِعْتَذِرْلَكْ من أعماقي .. وأنتَ تسكنها حبيبْ..
وإلاَّ بدموع المآقي .. تنهمر لمَّا تغيبْ ..
وإلاَّ بالحيرة الرهيبة .. تحرق القلب الوحيدْ ..
وإلاَّ بالروح الكئيبة .. وأنت زعلان وبعيدْ ..
كلّ شيّْ فيّْ يعتذرلك ..
بوحْ نبضاتي الدَّفينة .. ونَوحْ آهاتي الحزينة ..
حتَّى الأنفاس تعتذرلك ..
أمتى ترضى .. وأمتى تقبل الاعتذار ..؟
أمتى ترضى .. قبل ما تشيب الأعذارْ..؟
أمتى ترضى .. قبل ما نموت انتظار .. !!؟
أتأسَّف منَّك حبيبي ..
هات راسَكْ .. هات يَدَّكْ .. هات خَدَّك ْ..
كلّ شي ينباس فيكْ ..
آه .. نا كلِّي اعتذارْ ..
أتأسَّف منَّك حبيبي ..
نعْتَذِرْلَكْ .. نِعْتَذِرْلَكْ .. نِعْتَذِرْلَكْ ..

مقالات ذات علاقة

أسئلة

سالم العالم

بنــغـازي

سالم العالم

حطب الارض

سالم العالم

اترك تعليق