من أعمال التشكيلي محمد بن لامين
محكية

من قبل

 

من قبل .. من وقت .. وأنا طفل ، وأنتي طفل ..
كا شيء يجمعنا ..
ويشدّنا لبعضْ ..
وما نعرفوله معنى ..
من قبل .. من وقت ما وأحنا عيال ..
أحنا عايشين دلال .. تتذكري ؟
تتذكري .. كيف نمرحوا .. بين الجداول والورق ..
وكيف نسرحوا .. من الصبح لا غياب الشفق ..
وكيف لبعضنا نحنوا ..
وكيف نهمسوا ، وكيف نضحكوا ، ونغنّوا ..
والكون يسمعنا .. وما حد يمنعنا .. من قبل ..
من قبل .. من وقت ما صغار ..
تره استرجعي من عمرنا مشوار …
تلقي .. الود سبيلنا ..
وتلقي .. القمر في ليلنا ..
وتلقي .. هدايانا لبعضنا أزهار ..
من قبل .. من وقت ما هلنا وهم جيرنا ..
وهلك همَّا .. هَلِي ..
كنتي .. بعد كنّا .. أيام زمان ..
ما تحمليش ازعلي ..
وساعة خيوط الشمس تدخل دارنا ..
تجي تهمسيلي همس : خير يا جارنا ..
ونشبك أصابعنا .. ما حد يقدعنا .. من قبل ..

مقالات ذات علاقة

الشــــــــــط

بدرية الأشهب

الوطن

سالم العالم

ما هي حكاية ود

جلال عثمان

اترك تعليق