من أعمال الخزافة ميسون عبدالحفيظ.
طيوب النص

مستحيل

من أعمال الخزافة ميسون عبدالحفيظ.

 

مستحيل .. نبقوا حبايب .. مستحيل ..
مستحيل .. بيني وبينك .. ألف ليل ..
أنتَ عارف .. قبل منّي .. لو الدنيا بالتمنّي ..
ما نبي غيرك خليل .. لكن أنتَ .. مستحيل ..

مستحيل ، والإستحاله .. أنتَ عارف .. الظروف ..
والهوى في غير أوانه ، والعذول ، والخوف ..
هل اتصدق يا حبيبي .. إنّي ما نقدر نجيك ..
ولو تلاقينا في صُدفه .. بعيني ما نقدر نشوف ..
ولا انتبسّم من الفرحه ، ولا كُفُوف تلمس كُفُوف ..
حُبنا مكتوب عليه .. إنَّا ما نزهاش بيه ..
وانتَ عارف .. قبل منّي .. لو الدنيا يالتمنّي ..
ما نبي غيرك خليل .. لكن انتّ .. مستحيل ..

مستحيل ، والاستحاله .. لَوْ عَمَلْنَا المُستحيل .
وْلَوْ كِمَلْنَا دموع تجري .. كُل صُبْح ، وْكُل ليل ..
كيف يِتْعَرَّى جُنُوني .. وما انْتِعَيَّرْ بِالْعَرَاء ..
كيف نُرْقُص ، وأنتَ .. أنْغامي ، وْظِلِّي ، وِالخُطاء .
كيف نِتْحَوَّلْ فَراشه .. وأنتَ تِتْحَوَّل ضِياء ..
ما اتِّنِهَّدْ يا حبيبي .. حاسَّك إنَّكْ أنا ..
وْحُبْنا مكتوب عليه ..إنَّا ما نَزْهاش بيه ..
وانتَ عارف .. قَبَلْ مِنِّي ..
لو الدنيا بالتَّمَنِّي .. ما نِبي غيرك خَليل ..
لكن انتّ .. مُسْتَحيل ..

مقالات ذات علاقة

Miranda Lambert, Jason Aldean and More Set to Perform at 2018 ACM Awards

المشرف العام

المالوف الليبي يتجلى في ليالي تونس

المشرف العام

خربشات ملونة – 15

محمد ناجي

اترك تعليق