من أعمال التشكيلي معتوق أبوراوي
محكية

محكيات

من أعمال التشكيلي معتوق أبوراوي

كِثيرينْ …..
قُطْعُو وَصَلْنَا ……
ورْضِينَا بْعَبِيرْ أَنْسَامْهُمْ …..
كِثيرينْ …..
رِحْلُوا بْحِلْمْنَا …..
وكُنَّا مَرَاسِي أَحْلَامْهُمْ ….
كِثيرينْ …..
نِسْيُوا اسْمْنَا ……
وإحْنَا مَا نْسِينَا…..
هَمَسْهُمْ وكَلَامْهُمْ……..

[divider]

 

كِثيرينْ …..
فِ الظَّلْمَهْ مشِينَا مَعَاهُمْ……
كِثيرينْ …..
شَقِّينَا الْبْحُورْ وَرَاهُمْ….
كِثيرينْ …..
حَبُّونَا وحَبِّينَاهُمْ ……
ياريتْ نَرْجَعْ……
لِلْوَرَا ونَلْقَاهُمْ……..

[divider]

 

كِثيرينْ …..
نِعْرِفْهُمْ وما نِعْرِفْهُمْ …….
كِثيرينْ …..
نِذْكُرْهُمْ ومَا نُوصُفْهُمْ……
كِثيرينْ …..
نِظْلِمْهُمْ ومَا نِنْصُفْهُمْ ……
غَامْضِينْ……
صَيُّورْ الزَّمَانْ يِكْشِفْهُمْ …..

مقالات ذات علاقة

ســـندبـــاد

الصيد الرقيعي

تقديمة أوبريت “حلّومة”

المشرف العام

يا ظل ظل ولهب

عبدالمنعم الفليليح

اترك تعليق