تراث

لمـوا الشـمـل

ملحمة الخلال

محمد عمار شهوب

الشاعر محمد عمار شهوب
الشاعر محمد عمار شهوب

 
لموا الشمل
وكونوا جماعه ترفعوه الحمل
بالصبر بجتهادكم بالعمل
بالصلح موطنكم يولي رايد ..
وبيه توصلوا يا خوت شط الامل
من وسط الغريق اللي ظلامه سايد
وينبت نبات اخضر يغطي الرمل
و بعد الجذب يحضر الغيث بدايد
 
تربحوا تتهنوا
كان صلحكم شوره اكل تدنوا
وتطووا اجروح اقلوب منها ايأنوا
لم شملكم ليها يكون ضمايد
راه وطنكم في دفع نوضوا ونوا
عليه سيل من كل النواحي لايد
شتاتكم عجب زمرات ما ينعنوا
الطامع برز فيهم وهوا القايد
 
تنجير الخلال ورقع خيط البايد خير
خير من فواهق كل يوم بزايد ..
هيا بلا تأخير وانتوا اتهنوا
اعلان صلحكم خلوا ف كل جرايد
وراكم اجيال ف صلحكم يستنوا
عليكم بنوا حلم النجاح الشايد
 
طق لخلال ورقع هللي بايد
خير من افواهق كل يوم بزايد

مقالات ذات علاقة

اعزاز ياسِّم في هذي .. !؟

جمعة الفاخري

عندي جرح مايابا يطيب

المشرف العام

الأمثال الشعبية ودورها في الثقافة التباوية

المشرف العام

اترك تعليق