محكية

خلينا نكونوا اصحاب

من أعمال التشكيلية سعاد اللبة
من أعمال التشكيلية سعاد اللبة


خلينا نكونوا أصحاب
كلمة قالتها وتناست
إن الشمس ما تطيح قبل أوانها
وان الحروف الباردة
ما تدفى بلا الكتاب ..
كذااااااب … يا قلبها لو قلت لي
تقدر ترمم كسرتك
وتقدر تكفف عبرتك
وتقدر تبدّل بالعذاب عذاب ..
نا نعرفك يا صمتها
ونا نعرفك يا دمعها
ونا نعرفك يا جرحها
ما نك بحاجة لعذر …عذرك معاك .. وعاذرك
وما تنقصك الأسباب ..
لكن علي غفلة
خيرتني مابين غربة وغربة
غربة علي طول الطريق تشيلني
وغربة علي عيونك
ما مر غربة عين .. حبت عين
و وين ما تلاقى دمعهن
عرفهن أنهن أغراب ..
مازال بدري ع التناسي والمآسي
ما حسبت قلبك قاسي
كيف قسوتي ..
في عز حبي لك
وما حسبت تكسر كأسي
ونخبك على طرف اللسان شراب..
يا حب ما عندي معاه أحباب
كيف ما تريد يصير
وخلي الشمس تطفى مع غيابك
وخلي النهار قصير
وخللي الحروف تذوب ف كتابك
وخللي المعاني تحير
نعتبرك كما بركان فجرني
نعتبرك كما تيار بعثرني
ونعتبرك كما آخر نبي للعشق …صدقته
ومش قادر يغيرني
ونا عارفك يا قلبها
مسجون ف ظروفك .. وفي عيوني .. وصابر .. وعاذرني
ونا عارفك يا قلبها
تصحى مع طلوع الشمس
وتذكر ف اسمي همس
وتشرب حنيني حلم دوبه طاب
وكذاب يا قلبي أنا كذاب
لو قلت لك
صلي صلاتك فرح وغير المحراب
وكذاب يا قلبي انا كذاب
لو صدقت في مرة نكونوا أصحاب
 
دبي7/3/2010
من ديوان ( على جوك )

مقالات ذات علاقة

ما نيش طايح توّا

سالم العالم

نفكر فيك

محمد الدنقلي

المرايا

سالم العالم

اترك تعليق