بغداد يا صوت الجروح النازفه
في صمت
بغداد كوني عاصفه
تعدِّل مسار الوقت
لا تخوفك نيرانهم
ا يرهبك طغيانهم
لا يركعك عدوانهم
بغداد خلك واقفه
إنتي الحضارة والمجد
وهما أولاد السحت
بغداد نبي نقوللك:
مهما العدو جبار
كيد العدو في نحره
بكره السماء تشويه
لا الأرض تقبل بيه
لا البحر يبقى بحره
ولا ينحني نهر الفرات لأجله
لا يرتوى من دجله
ويتوه وسط الصحراء
بغداد صيري ناسفه
بغداد خلك واقفه
بغداد كوني عاصفه
تعدل مسار الوقت
إنتي الحضارة والمجد
وهما أولاد السحت
بغداد يا صوت الجروح النازفه
في صمت
بغداد يا أرض الإمام
بغداد يا لحد الحسين
لا تخضعي للظلم
لا تشعري بالحسره
الظلم عمره يوم
وعمرك سنين ..سنين
والله منهو ينصره
موعود ديمه بنصره
صيور العدو مهزوم
تحت أسوارك
ومهزوم في كركوك
ومنهزم م البصره
بغداد صيري ناسفه
بغداد خلك واقفه
بغداد كوني عاصفه
تعدل مسار الوقت
إنتي الحضارة والمجد
وهما أولاد السحت
بغداد يا صوت الجروح النازفه
في صمت
طرابلس: 8/4/2003
